S. Agapiti Martyris

Ad Prima

Ad Primam

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Hymnus

Jam lucis orto sídere,

Deum precémur súpplices,

Ut in diúrnis áctibus

Nos servet a nocéntibus.

Linguam refrénans témperet,

Ne litis horror ínsonet:

Visum fovéndo cóntegat,

Ne vanitátes háuriat.

Sint pura cordis íntima,

Absístat et vecórdia;

Carnis terat supérbiam

Potus cibíque párcitas.

Ut, cum dies abscésserit,

Noctémque sors redúxerit,

Mundi per abstinéntiam

Ipsi canámus glóriam.

Jesu, tibi sit glória,

Qui natus es de Vírgine,

Cum Patre et almo Spíritu,

In sempitérna sǽcula.

Amen.

Ant. Deus meus.

Psalmus 24(1-7) [1]

24:1 Ad te, Dómine, levávi ánimam meam: * Deus meus, in te confído, non erubéscam.
24:3 Neque irrídeant me inimíci mei: * étenim univérsi, qui sústinent te, non confundéntur.
24:4 Confundántur omnes iníqua agéntes * supervácue.
Vias tuas, Dómine, demónstra mihi: * et sémitas tuas édoce me.
24:5 Dírige me in veritáte tua, et doce me: * quia tu es, Deus, salvátor meus, et te sustínui tota die.
24:6 Reminíscere miseratiónum tuárum, Dómine, * et misericordiárum tuárum, quæ a sǽculo sunt.
24:7 Delícta juventútis meæ, * et ignorántias meas ne memíneris.
Secúndum misericórdiam tuam meménto mei tu: * propter bonitátem tuam, Dómine.

Psalmus 24(8-14) [2]

24:8 Dulcis et rectus Dóminus: * propter hoc legem dabit delinquéntibus in via.
24:9 Díriget mansuétos in judício: * docébit mites vias suas.
24:10 Univérsæ viæ Dómini, misericórdia et véritas, * requiréntibus testaméntum ejus et testimónia ejus.
24:11 Propter nomen tuum, Dómine, propitiáberis peccáto meo: * multum est enim.
24:12 Quis est homo qui timet Dóminum? * legem státuit ei in via, quam elégit.
24:13 Ánima ejus in bonis demorábitur: * et semen ejus hereditábit terram.
24:14 Firmaméntum est Dóminus timéntibus eum: * et testaméntum ipsíus ut manifestétur illis.

Psalmus 24(15-22) [3]

24:15 Óculi mei semper ad Dóminum: * quóniam ipse evéllet de láqueo pedes meos.
24:16 Réspice in me, et miserére mei: * quia únicus et pauper sum ego.
24:17 Tribulatiónes cordis mei multiplicátæ sunt: * de necessitátibus meis érue me.
24:18 Vide humilitátem meam, et labórem meum: * et dimítte univérsa delícta mea.
24:19 Réspice inimícos meos quóniam multiplicáti sunt, * et ódio iníquo odérunt me.
24:20 Custódi ánimam meam, et érue me: * non erubéscam quóniam sperávi in te.
24:21 Innocéntes et recti adhæsérunt mihi: * quia sustínui te.
24:22 Líbera, Deus, Israël, * ex ómnibus tribulatiónibus suis.

1 Tim. 1:17

Regi sæculórum immortáli et invisíbili, soli Deo honor et glória in sǽcula sæculórum. Amen.

R. Deo grátias.

R. Christe, Fili Dei vivi, * Miserére nobis.

V. Qui natus es de María Vírgine.

R. Miserére nobis.

V. Glória Patri, et Fílio, * et Spirítui Sancto.

R. Christe, Fili Dei vivi, * Miserére nobis.

V. Exsúrge, Christe, ádjuva nos.

R. Et líbera nos propter nomen tuum.

Preces Dominicales et Feriales{omittitur}

Preces Feriales{omittitur}

Preces Dominicales et Feriales{omittitur}

V.: Dómine, exáudi oratiónem meam.
R.: Et clamor meus ad te véniat.

Orémus.

Dómine Deus omnípotens, qui ad princípium hujus diéi nos perveníre fecísti: tua nos hódie salva virtúte; ut in hac die ad nullum declinémus peccátum, sed semper ad tuam justítiam faciéndam nostra procédant elóquia, dirigántur cogitatiónes et ópera.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

V. Dómine, exáudi oratiónem meam.

R. Et clamor meus ad te véniat.

V. Benedicámus Dómino.

R. Deo grátias.

Quartodécimo Kaléndas Septémbris Luna sexta Anno Dómini 2026

Cadómi, in Gállia, sancti Joánnis Eudes Confessóris, Missionárii Apostólici, Fundatóris Congregatiónis Presbyterórum Jesu et Maríæ necnon Ordinis Moniálium Dóminæ Nostræ a Caritáte, et promotóris litúrgici cultus erga Sacratíssima Christi ejúsque Genitrícis Corda; quem Pius Papa Undécimus fastis Sanctórum adscrípsit.

Romæ Sancti Júlii, Senatóris et Mártyris; qui, Vitéllio Júdici tráditus et ab eo in cárcerem trusus, támdiu, jubénte Cómmodo Imperatóre, fústibus cæsus est, donec emítteret spíritum. Ipsíus autem corpus in cœmetério Calepódii via Aurélia, sepúltum fuit.

Anágniæ sancti Magni Epíscopi et Mártyris, qui in persecutióne Décii necátus est.

In Cilícia natális sancti Andréæ Tribúni et Sociórum mílitum; qui, victória de Persis divínitus adépta, ad fidem Christi convérsi, et hoc nómine accusáti, sub Maximiáno Imperatóre in angústiis Tauri montis ab exércitu Seléuci Prǽsidis trucidáti sunt.

In Palæstína sancti Timóthei Mártyris, qui in persecutióne Diocletiáni sub Urbáno Prǽside, post multa superáta supplícia, lento igne combústus est. Passi sunt étiam ibídem Thecla et Agápius: illa feris expósita, eárum déntibus laniáta transívit ad Sponsum: Agápius vero, plúrima torménta perpéssus, ad majóra certámina fuit dilátus.

Romæ sancti Xysti Tértii, Papæ et Confessóris.

Apud castrum Bríncolam, in Província, deposítio sancti Ludovíci, ex Ordine Minórum, Epíscopi Tolosáni, vitæ sanctitáte et miráculis clari; cujus corpus, inde Massíliam translátum, in Ecclésia Fratrum Minórum honorífice cónditum fuit, ac póstea Valéntiam, in Hispánia, devéctum est, atque in cathedráli Ecclésia collocátum.

In pago Sigistérico, in Gállia, beáti Donáti, Presbýteri et Confessóris; qui, ab ipsis usque infántiæ rudiméntis mira Dei grátia prǽditus, anachoréticam vitam multis annis exégit, et miraculórum glória clarus migrávit ad Christum.

In território Bituricénsi sancti Mariáni Confessóris, cujus virtútes et mirácula beátus Gregórius, Turonénsis Epíscopus, magnis láudibus celebravit.

Mántuæ sancti Rufíni Confessóris.

Norimbérgæ sancti Sebáldi Eremítæ, virtútibus et miráculis præclári, qui Sanctórum catálogo a Martíno Papa Quinto adjéctus est.

V. Et álibi aliórum plurimórum sanctórum Mártyrum et Confessórum, atque sanctárum Vírginum.

R. Deo grátias.

V.: Pretiósa in conspéctu Dómini.
R.: Mors Sanctórum ejus.

Sancta María et omnes Sancti intercédant pro nobis ad Dóminum, ut nos mereámur ab eo adjuvári et salvári, qui vivit et regnat in sǽcula sæculórum.

R. Amen.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Glória Patri, et Fílio, * et Spirítui Sancto.
R.: Sicut erat in princípio, et nunc, et semper, * et in sǽcula sæculórum. Amen.

Kýrie, eléison. Christe, eléison. Kýrie, eléison.

Pater Noster dicitur secreto usque ad Et ne nos indúcas in tentatiónem:

V. Et ne nos indúcas in tentatiónem:

R. Sed líbera nos a malo.

V. Réspice in servos tuos, Dómine, et in ópera tua, et dírige fílios eórum.

R. Et sit splendor Dómini Dei nostri super nos, et ópera mánuum nostrárum dírige super nos, et opus mánuum nostrárum dírige.

V. Glória Patri, et Fílio, * et Spirítui Sancto.

R. Sicut erat in princípio, et nunc, et semper, * et in sǽcula sæculórum. Amen.

Orémus.

Dirígere et sanctificáre, régere et gubernáre dignáre, Dómine Deus, Rex cæli et terræ, hódie corda et córpora nostra, sensus, sermónes et actus nostros in lege tua, et in opéribus mandatórum tuórum: ut hic et in ætérnum, te auxiliánte, salvi et líberi esse mereámur, Salvátor mundi: Qui vivis et regnas in sǽcula sæculórum.

R. Amen.

Extra Chorum, quando ab uno tantum recitatur Officium dicitur: Jube, Dómine, benedícere; et subjungitur congruens Benedictio.

V.: Jube, domne, benedícere.

Benedictio. Judith 15:10

Dies et actus nostros in sua pace dispónat Dóminus omnípotens.

R. Amen.

Tu glória Jerúsalem, tu lætítia Israël, tu honorificéntia pópuli nostri.

V. Tu autem, Dómine, miserére nobis.

R. Deo grátias.

V.: Adjutórium nostrum ✠ in nómine Dómini.
R.: Qui fecit cælum et terram.

V.: Benedícite.
R.: Deus.

Benedictio.

Dóminus nos benedícat, ✠ et ab omni malo deféndat, et ad vitam perdúcat ætérnam. Et fidélium ánimæ per misericórdiam Dei requiéscant in pace.

R. Amen.

Deinde dicitur tantum Pater Noster secreto, nisi sequatur alia Hora.

Post Divinum officium