B
S. Angelæ Mericiæ Virginis
Feria II, 1 Iunii MMXXVI
Hodie Ad Missam →
Pre-1955 1962

S. Angelæ Mericiæ Virginis

Ad Prima

Ad Primam

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Hymnus

Jam lucis orto sídere,

Deum precémur súpplices,

Ut in diúrnis áctibus

Nos servet a nocéntibus.

Linguam refrénans témperet,

Ne litis horror ínsonet:

Visum fovéndo cóntegat,

Ne vanitátes háuriat.

Sint pura cordis íntima,

Absístat et vecórdia;

Carnis terat supérbiam

Potus cibíque párcitas.

Ut, cum dies abscésserit,

Noctémque sors redúxerit,

Mundi per abstinéntiam

Ipsi canámus glóriam.

Jesu, tibi sit glória,

Qui natus es de Vírgine,

Cum Patre et almo Spíritu,

In sempitérna sǽcula.

Amen.

Ant. Dum esset Rex.

Psalmus 53 [1]

  1. 53:3 Deus, in nómine tuo salvum me fac: * et in virtúte tua júdica me.
  2. 53:4 Deus, exáudi oratiónem meam: * áuribus pércipe verba oris mei.
  3. 53:5 Quóniam aliéni insurrexérunt advérsum me, et fortes quæsiérunt ánimam meam: * et non proposuérunt Deum ante conspéctum suum.
  4. 53:6 Ecce enim, Deus ádjuvat me: * et Dóminus suscéptor est ánimæ meæ.
  5. 53:7 Avérte mala inimícis meis: * et in veritáte tua dispérde illos.
  6. 53:8 Voluntárie sacrificábo tibi, * et confitébor nómini tuo, Dómine: quóniam bonum est:
  7. 53:9 Quóniam ex omni tribulatióne eripuísti me: * et super inimícos meos despéxit óculus meus.

Psalmus 118(1-16) [2]

  1. 118:1 (Aleph) Beáti immaculáti in via: * qui ámbulant in lege Dómini.
  2. 118:2 Beáti, qui scrutántur testimónia ejus: * in toto corde exquírunt eum.
  3. 118:3 Non enim qui operántur iniquitátem, * in viis ejus ambulavérunt.
  4. 118:4 Tu mandásti * mandáta tua custodíri nimis.
  5. 118:5 Útinam dirigántur viæ meæ, * ad custodiéndas justificatiónes tuas!
  6. 118:6 Tunc non confúndar, * cum perspéxero in ómnibus mandátis tuis.
  7. 118:7 Confitébor tibi in directióne cordis: * in eo quod dídici judícia justítiæ tuæ.
  8. 118:8 Justificatiónes tuas custódiam: * non me derelínquas usquequáque.
  9. 118:9 (Beth) In quo córrigit adolescéntior viam suam? * In custodiéndo sermónes tuos.
  10. 118:10 In toto corde meo exquisívi te: * ne repéllas me a mandátis tuis.
  11. 118:11 In corde meo abscóndi elóquia tua: * ut non peccem tibi.
  12. 118:12 Benedíctus es, Dómine: * doce me justificatiónes tuas.
  13. 118:13 In lábiis meis, * pronuntiávi ómnia judícia oris tui.
  14. 118:14 In via testimoniórum tuórum delectátus sum, * sicut in ómnibus divítiis.
  15. 118:15 In mandátis tuis exercébor: * et considerábo vias tuas.
  16. 118:16 In justificatiónibus tuis meditábor: * non oblivíscar sermónes tuos.

Psalmus 118(17-32) [3]

  1. 118:17 (Ghimel) Retríbue servo tuo, vivífica me: * et custódiam sermónes tuos:
  2. 118:18 Revéla óculos meos: * et considerábo mirabília de lege tua.
  3. 118:19 Íncola ego sum in terra: * non abscóndas a me mandáta tua.
  4. 118:20 Concupívit ánima mea desideráre justificatiónes tuas, * in omni témpore.
  5. 118:21 Increpásti supérbos: * maledícti qui declínant a mandátis tuis.
  6. 118:22 Aufer a me oppróbrium, et contémptum: * quia testimónia tua exquisívi.
  7. 118:23 Étenim sedérunt príncipes, et advérsum me loquebántur: * servus autem tuus exercebátur in justificatiónibus tuis.
  8. 118:24 Nam et testimónia tua meditátio mea est: * et consílium meum justificatiónes tuæ.
  9. 118:25 (Daleth) Adhǽsit paviménto ánima mea: * vivífica me secúndum verbum tuum.
  10. 118:26 Vias meas enuntiávi, et exaudísti me: * doce me justificatiónes tuas.
  11. 118:27 Viam justificatiónum tuárum ínstrue me: * et exercébor in mirabílibus tuis.
  12. 118:28 Dormitávit ánima mea præ tǽdio: * confírma me in verbis tuis.
  13. 118:29 Viam iniquitátis ámove a me: * et de lege tua miserére mei.
  14. 118:30 Viam veritátis elégi: * judícia tua non sum oblítus.
  15. 118:31 Adhǽsi testimóniis tuis, Dómine: * noli me confúndere.
  16. 118:32 Viam mandatórum tuórum cucúrri, * cum dilatásti cor meum.

1 Tim. 1:17

Regi sæculórum immortáli et invisíbili, soli Deo honor et glória in sǽcula sæculórum. Amen.

R. Deo grátias.

R. Christe, Fili Dei vivi, * Miserére nobis.

R. Christe, Fili Dei vivi, * Miserére nobis.

V. Qui natus es de María Vírgine.

R. Miserére nobis.

V. Glória Patri, et Fílio, * et Spirítui Sancto.

R. Christe, Fili Dei vivi, * Miserére nobis.

V. Exsúrge, Christe, ádjuva nos.

R. Et líbera nos propter nomen tuum.

Preces Dominicales et Feriales{omittitur}
Preces Feriales{omittitur}
Preces Dominicales et Feriales{omittitur}
V.
Dómine, exáudi oratiónem meam.
R.
Et clamor meus ad te véniat.

Orémus.

Dómine Deus omnípotens, qui ad princípium hujus diéi nos perveníre fecísti: tua nos hódie salva virtúte; ut in hac die ad nullum declinémus peccátum, sed semper ad tuam justítiam faciéndam nostra procédant elóquia, dirigántur cogitatiónes et ópera.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

V. Dómine, exáudi oratiónem meam.

R. Et clamor meus ad te véniat.

V. Benedicámus Dómino.

R. Deo grátias.

Quarto Nonas Júnii Luna sexta décima Anno Dómini 2026

Romæ natális sanctórum Mártyrum Marcellíni Presbýteri, et Petri Exorcístæ, qui, sub Diocletiáno, cum multos in cárcere ad fidem erudírent, ídeo, post dira víncula et plúrima torménta, a Seréno Júdice decolláti sunt in loco qui dicebátur Silva Nigra; quæ deínde, in honórem Sanctórum, commutáto nómine, Silva Cándida appelláta est. Horum córpora in crypta, juxta sanctum Tibúrtium, sepúlta sunt; eorúmque sepúlcrum sanctus Dámasus Papa vérsibus póstea exornávit.

In Campánia sancti Erásmi, Epíscopi et Mártyris. Hic, sub Diocletiáno Augústo, primum plumbátis cæsus, deínde fústibus gráviter mactátus, post resína, súlphure, plumbo, pice, cera oleóque perfúsus, illǽsus appáruit; deínde Fórmiis, sub Maximiáno, divérsis atque immaníssimis supplíciis íterum tortus, sed ad confirmándum céteros a Deo servátus; tandem, vocánte Dómino, martýrio clarus, sancto fine quiévit. Ipsíus autem corpus Cajétam póstea translátum est.

Lugdúni, in Gállia, sanctórum Mártyrum Pothíni Epíscopi, Sancti Diáconi, Vétii, Epagáthi, Maturi, Póntici, Bíblidis, Attali, Alexándri et Blandínæ, cum áliis multis; quorum fórtia et iteráta certámina, témpore Marci Aurélii Antoníni et Lúcii Veri, Ecclésiæ Lugdunénsis epístola, ad Ecclésias Asiæ et Phrýgiæ scripta, recénset. In his sancta Blandína, sexu infírmior, córpore imbecíllior, conditióne dejéctior, diuturnióra et acerbióra certámina súbiens, et fortis adhuc pérmanens, gládio juguláta, céteros secúta est, quos hortabátur ad palmam.

In ínsula Proconnéso, in Propóntide, sancti Nicéphori, Epíscopi Constantinopolitáni, qui, paternárum traditiónum propugnátor acérrimus, pro cultu sanctárum Imáginum se Leóni Arméno, Imperatóri Iconoclástæ, constánter oppósuit; a quo mulctátus exsílio, ibídem, cum per quatuórdecim annos longum duxísset martýrium, migrávit ad Dóminum.

Romæ sancti Eugénii Primi, Papæ et Confessóris.

Trani, in Apúlia, sancti Nicolái Peregríni Confessóris, cujus mirácula in Concílio Románo, cui beátus Urbánus Papa Secúndus prǽfuit, recitáta sunt.

V. Et álibi aliórum plurimórum sanctórum Mártyrum et Confessórum, atque sanctárum Vírginum.

R. Deo grátias.

V.
Pretiósa in conspéctu Dómini.
R.
Mors Sanctórum ejus.

Sancta María et omnes Sancti intercédant pro nobis ad Dóminum, ut nos mereámur ab eo adjuvári et salvári, qui vivit et regnat in sǽcula sæculórum.

R. Amen.

V.
Deus in adjutórium meum inténde.
R.
Dómine, ad adjuvándum me festína.
V.
Deus in adjutórium meum inténde.
R.
Dómine, ad adjuvándum me festína.
V.
Deus in adjutórium meum inténde.
R.
Dómine, ad adjuvándum me festína.
V.
Glória Patri, et Fílio, * et Spirítui Sancto.
R.
Sicut erat in princípio, et nunc, et semper, * et in sǽcula sæculórum. Amen.

Kýrie, eléison. Christe, eléison. Kýrie, eléison.

Pater Noster dicitur secreto usque ad Et ne nos indúcas in tentatiónem:

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:

V. Et ne nos indúcas in tentatiónem:

R. Sed líbera nos a malo.

V. Réspice in servos tuos, Dómine, et in ópera tua, et dírige fílios eórum.

R. Et sit splendor Dómini Dei nostri super nos, et ópera mánuum nostrárum dírige super nos, et opus mánuum nostrárum dírige.

V. Glória Patri, et Fílio, * et Spirítui Sancto.

R. Sicut erat in princípio, et nunc, et semper, * et in sǽcula sæculórum. Amen.

Orémus.

Dirígere et sanctificáre, régere et gubernáre dignáre, Dómine Deus, Rex cæli et terræ, hódie corda et córpora nostra, sensus, sermónes et actus nostros in lege tua, et in opéribus mandatórum tuórum: ut hic et in ætérnum, te auxiliánte, salvi et líberi esse mereámur, Salvátor mundi: Qui vivis et regnas in sǽcula sæculórum.

R. Amen.

Extra Chorum, quando ab uno tantum recitatur Officium dicitur: Jube, Dómine, benedícere; et subjungitur congruens Benedictio.
V.
Jube, domne, benedícere.

Benedictio. Sir 24:30-31

Dies et actus nostros in sua pace dispónat Dóminus omnípotens.

R. Amen.

Qui audit me, non confundétur, et qui operántur in me, non peccábunt: qui elúcidant me, vitam ætérnam habébunt.

V. Tu autem, Dómine, miserére nobis.

R. Deo grátias.

V.
Adjutórium nostrum ✠ in nómine Dómini.
R.
Qui fecit cælum et terram.
V.
Benedícite.
R.
Deus.

Benedictio.

Dóminus nos benedícat, ✠ et ab omni malo deféndat, et ad vitam perdúcat ætérnam. Et fidélium ánimæ per misericórdiam Dei requiéscant in pace.

R. Amen.

Deinde dicitur tantum Pater Noster secreto, nisi sequatur alia Hora.

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Post Divinum officium