Feria Secunda infra Hebdomadam I post Octavam Pentecostes
Ante Divinum officium
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.
Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.
Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.
Deinde, clara voce, dicitur Versus:
V. Dómine, lábia + mea apéries.
R. Et os meum annuntiábit laudem tuam.
V. Deus ✠ in adjutórium meum inténde.
R. Dómine, ad adjuvándum me festína.
Glória Patri, et Fílio, * et Spirítui Sancto.
Sicut erat in princípio, et nunc, et semper, * et in sǽcula sæculórum. Amen.
Allelúja.
Invitatorium
Ant. Christum Regem, qui suam coronávit Matrem, * Veníte, adorémus.
Veníte, exsultémus Dómino, jubilémus Deo, salutári nostro: præoccupémus fáciem ejus in confessióne, et in psalmis jubilémus ei.
Ant. Christum Regem, qui suam coronávit Matrem, * Veníte, adorémus.
Quóniam Deus magnus Dóminus, et Rex magnus super omnes deos, quóniam non repéllet Dóminus plebem suam: quia in manu ejus sunt omnes fines terræ, et altitúdines móntium ipse cónspicit.
Ant. Veníte, adorémus.
Quóniam ipsíus est mare, et ipse fecit illud, et áridam fundavérunt manus ejus (genuflectitur) veníte, adorémus, et procidámus ante Deum: plorémus coram Dómino, qui fecit nos, quia ipse est Dóminus, Deus noster; nos autem pópulus ejus, et oves páscuæ ejus.
Ant. Christum Regem, qui suam coronávit Matrem, * Veníte, adorémus.
Hódie, si vocem ejus audiéritis, nolíte obduráre corda vestra, sicut in exacerbatióne secúndum diem tentatiónis in desérto: ubi tentavérunt me patres vestri, probavérunt et vidérunt ópera mea.
Ant. Veníte, adorémus.
Quadragínta annis próximus fui generatióni huic, et dixi: Semper hi errant corde, ipsi vero non cognovérunt vias meas: quibus jurávi in ira mea: Si introíbunt in réquiem meam.
Ant. Christum Regem, qui suam coronávit Matrem, * Veníte, adorémus.
V. Glória Patri, et Fílio, * et Spirítui Sancto.
R. Sicut erat in princípio, et nunc, et semper, * et in sǽcula sæculórum. Amen.
Ant. Veníte, adorémus.
Ant. Christum Regem, qui suam coronávit Matrem, * Veníte, adorémus.
Rerum suprémo in vértice
Regína, Virgo, sísteris,
Exuberánter ómnium
Ditáta pulchritúdine.
Princeps opus formósior
Verbo creánti prǽnites,
Prædestináta Fílium,
Qui prótulit te, gígnere.
Ut Christus alta ab árbore
Rex purpurátus sánguine,
Sic passiónis párticeps,
Tu Mater es vivéntium.
Tantis decóra láudibus,
Ad nos ovántes réspice,
Tibíque sume grátulans
Quod fúndimus præcónium.
Jesu, tibi sit glória,
Qui natus es de Vírgine,
Cum Patre et almo Spíritu
In sempitérna sǽcula.
Amen.
Nocturnus I
Psalmus 8 [1]
- 8:2 Dómine, Dóminus noster, * quam admirábile est nomen tuum in univérsa terra!
- Quóniam eleváta est magnificéntia tua, * super cælos.
- 8:3 Ex ore infántium et lacténtium perfecísti laudem propter inimícos tuos, * ut déstruas inimícum et ultórem.
- 8:4 Quóniam vidébo cælos tuos, ópera digitórum tuórum: * lunam et stellas, quæ tu fundásti.
- 8:5 Quid est homo quod memor es ejus? * aut fílius hóminis, quóniam vísitas eum?
- 8:6 Minuísti eum paulo minus ab Ángelis, glória et honóre coronásti eum: * et constituísti eum super ópera mánuum tuárum.
- 8:8 Ómnia subjecísti sub pédibus ejus, * oves et boves univérsas: ínsuper et pécora campi.
- 8:9 Vólucres cæli, et pisces maris, * qui perámbulant sémitas maris.
- 8:10 Dómine, Dóminus noster, * quam admirábile est nomen tuum in univérsa terra!
Psalmus 18 [2]
- 18:2 Cæli enárrant glóriam Dei: * et ópera mánuum ejus annúntiat firmaméntum.
- 18:3 Dies diéi erúctat verbum, * et nox nocti índicat sciéntiam.
- 18:4 Non sunt loquélæ, neque sermónes, * quorum non audiántur voces eórum.
- 18:5 In omnem terram exívit sonus eórum: * et in fines orbis terræ verba eórum.
- 18:6 In sole pósuit tabernáculum suum: * et ipse tamquam sponsus procédens de thálamo suo:
- Exsultávit ut gigas ad curréndam viam, * a summo cælo egréssio ejus:
- 18:7 Et occúrsus ejus usque ad summum ejus: * nec est qui se abscóndat a calóre ejus.
- 18:8 Lex Dómini immaculáta, convértens ánimas: * testimónium Dómini fidéle, sapiéntiam præstans párvulis.
- 18:9 Justítiæ Dómini rectæ, lætificántes corda: * præcéptum Dómini lúcidum, illúminans óculos.
- 18:10 Timor Dómini sanctus, pérmanens in sǽculum sǽculi: * judícia Dómini vera, justificáta in semetípsa.
- 18:11 Desiderabília super aurum et lápidem pretiósum multum: * et dulcióra super mel et favum.
- 18:12 Étenim servus tuus custódit ea, * in custodiéndis illis retribútio multa.
- 18:13 Delícta quis intéllegit? ab occúltis meis munda me: * et ab aliénis parce servo tuo.
- 18:14 Si mei non fúerint domináti, tunc immaculátus ero: * et emundábor a delícto máximo.
- 18:15 Et erunt ut compláceant elóquia oris mei: * et meditátio cordis mei in conspéctu tuo semper.
- Dómine, adjútor meus, * et redémptor meus.
The earth is the Lord’s and the fulness thereof: * the world, and all they that dwell therein.
For he hath founded it upon the seas; * and hath prepared it upon the rivers.
Who shall ascend into the mountain of the Lord: * or who shall stand in his holy place?
The innocent in hands, and clean of heart, * who hath not taken his soul in vain, nor sworn deceitfully to his neighbour.
He shall receive a blessing from the Lord, * and mercy from God his Saviour.
This is the generation of them that seek him, * of them that seek the face of the God of Jacob.
Lift up your gates, O ye princes, and be ye lifted up, O eternal gates: * and the King of Glory shall enter in.
Who is this King of Glory? * the Lord who is strong and mighty: the Lord mighty in battle.
Lift up your gates, O ye princes, and be ye lifted up, O eternal gates: * and the King of Glory shall enter in.
Who is this King of Glory? * the Lord of hosts, he is the King of Glory.
- V.
- Glória Patri, et Fílio, * et Spirítui Sancto.
- R.
- Sicut erat in princípio, et nunc, et semper, * et in sǽcula sæculórum. Amen.
- V.
- Salve, Regína misericórdiæ.
- R.
- Ex qua natus est Christus, Rex noster.
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
V. Et ne nos indúcas in tentatiónem:
R. Sed líbera nos a malo.
Absolutio.
Exáudi, Dómine Jesu Christe, preces servórum tuórum, et miserére nobis: Qui cum Patre et Spíritu Sancto vivis et regnas in sǽcula sæculórum.
R. Amen.
- V.
- Jube, domne, benedícere.
Benedictio.
Benedictióne perpétua benedícat nos Pater ætérnus.
R. Amen.
De libro Ecclesiástici
Ego ex ore Altíssimi prodívi, primogénita ante omnem creatúram:
Ego feci in cælis ut orirétur lumen indefíciens, et sicut nébula texi omnem terram:
Ego in altíssimis habitávi et thronus meus in colúmna nubis.
Gyrum cæli circuívi sola, et profúndum abýssi penetrávi, in flúctibus maris ambulávi,
Et in omni terra steti: et in omni pópulo,
Et in omni gente primátum hábui:
Et ómnium excelléntium et humílium corda virtúte calcávi: et in his ómnibus réquiem quæsívi, et in hereditáte Dómini morábor.
- V.
- Tu autem, Dómine, miserére nobis.
- R.
- Deo grátias.
- R.
- Beáta es, María, quæ credidísti Dómino: perfécta sunt in te quæ dicta sunt tibi.
* Ecce exaltáta es super choros Angelórum ad cæléstia regna.
- V.
- Ave Maria, grátia plena, Dominus tecum.
- R.
- Ecce exaltáta es super choros Angelorum ad cæléstia regna.
- V.
- Jube, domne, benedícere.
Benedictio.
Unigénitus Dei Fílius nos benedícere et adjuváre dignétur.
R. Amen.
Ab inítio, et ante sǽcula creáta sum, et usque ad futúrum sǽculum non désinam, et in habitatióne sancta coram ipso ministrávi.
Et sic in Sion firmáta sum, et in civitáte sanctificáta simíliter requiévi, et in Jerúsalem potéstas mea.
Et radicávi in pópulo honorificáto, et in parte Dei mei heréditas illíus, et in plenitúdine sanctórum deténtio mea.
- V.
- Tu autem, Dómine, miserére nobis.
- R.
- Deo grátias.
- R.
- Regálem dignitátem Vírginis Maríæ recolámus.
* Quia cum Christo regnat in ætérnum.
- V.
- Glóriam Regínæ nostræ celebrémus.
- R.
- Quia cum Christo regnat in ætérnum.
- V.
- Jube, domne, benedícere.
Benedictio.
Spíritus Sancti grátia illúminet sensus et corda nostra.
R. Amen.
Ego mater pulchræ dilectiónis, et timóris, et agnitiónis, et sanctæ spei.
In me grátia omnis viæ et veritátis: in me omnis spes vitæ et virtútis.
Transíte ad me, omnes qui concupíscitis me, et a generatiónibus meis implémini;
Spíritus enim meus super mel dulcis, et heréditas mea super mel et favum.
Memória mea in generatiónes sæculórum.
Qui edunt me, adhuc esúrient, et qui bibunt me, adhuc sítient.
Qui audit me non confundétur, et qui operántur in me non peccábunt: qui elúcidant me, vitam ætérnam habébunt.
- V.
- Tu autem, Dómine, miserére nobis.
- R.
- Deo grátias.
- R.
- Elégit eam Deus, et præelégit eam;
* Corónam glóriæ pósuit super caput ejus.
- V.
- Et in tabernáculo suo habitáre fecit eam.
- R.
- Corónam glóriæ pósuit super caput ejus.
- V.
- Glória Patri, et Fílio, * et Spirítui Sancto.
- R.
- Corónam glóriæ pósuit super caput ejus.
Nocturnus II
Psalmus 44 [4]
- 44:2 Eructávit cor meum verbum bonum: * dico ego ópera mea Regi.
- Lingua mea cálamus scribæ: * velóciter scribéntis.
- 44:3 Speciósus forma præ fíliis hóminum, diffúsa est grátia in lábiis tuis: * proptérea benedíxit te Deus in ætérnum.
- 44:4 Accíngere gládio tuo super femur tuum, * potentíssime.
- 44:5 Spécie tua et pulchritúdine tua: * inténde, próspere procéde, et regna.
- Propter veritátem, et mansuetúdinem, et justítiam: * et dedúcet te mirabíliter déxtera tua.
- 44:6 Sagíttæ tuæ acútæ, pópuli sub te cadent: * in corda inimicórum Regis.
- 44:7 Sedes tua, Deus, in sǽculum sǽculi: * virga directiónis virga regni tui.
- 44:8 Dilexísti justítiam, et odísti iniquitátem: * proptérea unxit te Deus, Deus tuus, óleo lætítiæ præ consórtibus tuis.
- 44:9 Myrrha, et gutta, et cásia a vestiméntis tuis, a dómibus ebúrneis: * ex quibus delectavérunt te fíliæ regum in honóre tuo.
- 44:10 Ástitit regína a dextris tuis in vestítu deauráto: * circúmdata varietáte.
- 44:11 Audi fília, et vide, et inclína aurem tuam: * et oblivíscere pópulum tuum et domum patris tui.
- 44:12 Et concupíscet Rex decórem tuum: * quóniam ipse est Dóminus Deus tuus, et adorábunt eum.
- 44:13 Et fíliæ Tyri in munéribus * vultum tuum deprecabúntur: omnes dívites plebis.
- 44:14 Omnis glória ejus fíliæ Regis ab intus, * in fímbriis áureis circumamícta varietátibus.
- 44:15 Adducéntur Regi vírgines post eam: * próximæ ejus afferéntur tibi.
- 44:16 Afferéntur in lætítia et exsultatióne: * adducéntur in templum Regis.
- 44:17 Pro pátribus tuis nati sunt tibi fílii: * constítues eos príncipes super omnem terram.
- 44:18 Mémores erunt nóminis tui: * in omni generatióne et generatiónem.
- Proptérea pópuli confitebúntur tibi in ætérnum: * et in sǽculum sǽculi.
Psalmus 45 [5]
- 45:2 Deus noster refúgium, et virtus: * adjútor in tribulatiónibus, quæ invenérunt nos nimis.
- 45:3 Proptérea non timébimus dum turbábitur terra: * et transferéntur montes in cor maris.
- 45:4 Sonuérunt, et turbátæ sunt aquæ eórum: * conturbáti sunt montes in fortitúdine ejus.
- 45:5 Flúminis ímpetus lætíficat civitátem Dei: * sanctificávit tabernáculum suum Altíssimus.
- 45:6 Deus in médio ejus, non commovébitur: * adjuvábit eam Deus mane dilúculo.
- 45:7 Conturbátæ sunt gentes, et inclináta sunt regna: * dedit vocem suam, mota est terra.
- 45:8 Dóminus virtútum nobíscum: * suscéptor noster Deus Jacob.
- 45:9 Veníte, et vidéte ópera Dómini, quæ pósuit prodígia super terram: * áuferens bella usque ad finem terræ.
- 45:10 Arcum cónteret, et confrínget arma: * et scuta combúret igni.
- 45:11 Vacáte, et vidéte quóniam ego sum Deus: * exaltábor in géntibus, et exaltábor in terra.
- 45:12 Dóminus virtútum nobíscum: * suscéptor noster Deus Jacob.
The foundations thereof are in the holy mountains: * The Lord loveth the gates of Sion above all the tabernacles of Jacob.
Glorious things are said of thee, * O city of God.
I will be mindful of Rahab and of Babylon * knowing me.
Behold the foreigners, and Tyre, and the people of the Ethiopians, * these were there.
Shall not Sion say: This man and that man is born in her? * and the Highest himself hath founded her.
The Lord shall tell in his writings of peoples and of princes, * of them that have been in her.
The dwelling in thee * is as it were of all rejoicing.
- V.
- Glória Patri, et Fílio, * et Spirítui Sancto.
- R.
- Sicut erat in princípio, et nunc, et semper, * et in sǽcula sæculórum. Amen.
- V.
- Stabat juxta crucem Jesu Mater ejus.
- R.
- In passióne sócia, totíus mundi Regína.
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
V. Et ne nos indúcas in tentatiónem:
R. Sed líbera nos a malo.
Absolutio.
Ipsíus píetas et misericórdia nos ádjuvet, qui cum Patre et Spíritu Sancto vivit et regnat in sǽcula sæculórum.
R. Amen.
- V.
- Jube, domne, benedícere.
Benedictio.
Deus Pater omnípotens sit nobis propítius et clemens.
R. Amen.
Sermo sancti Petri Canísii Presbýteri
De Maria Deipara Virgine incomparabili, lib. 15, c. 13
Cur beatíssimam Vírginem Maríam Regínæ nómine, Damascénum, Athanásium aliósque secúti, non compellémus, cujus et pater David rex ínclitus, et fílius Rex regum Dominúsque dominántium sine fine ímperans, laudem in Scriptúris præstantíssimam tenent? Regína est ínsuper, si cum illis conferátur, quibus, véluti régibus, cæléste regnum cum Christo, Rege summo, cóntigit, útpote illíus coherédibus, et in eódem véluti throno, ut Scriptúra lóquitur, cum illo collocátis. Regína est étiam nulli electórum secúnda, sed simul Angelis et homínibus tanto præláta dígnius, quo nihil illa sublímius ac sánctius esse potest, quæ sola cum Deo Patre Fílium habet commúnem, et quæ supra se Deum et Christum tantum, infra se vero réliqua videt ómnia.
V. Tu autem, Dómine, miserére nobis.
R. Deo grátias.
R. Súscipe verbum, Virgo María, quod tibi a Dómino transmíssum est:
* Ecce concípies et páries Deum páriter et hóminem.
V. Et Regína vocáberis super omnes gentes.
R. Ecce concípies et páries Deum páriter et hóminem.
- V.
- Jube, domne, benedícere.
Benedictio.
Christus perpétuæ det nobis gáudia vitæ.
R. Amen.
Magnus Athanásius perspícue dixit: Maríam non modo Deíparam, sed étiam Regínam et Dóminam próprie veréque censéri, quandóquidem Christus ex ipsa matre Vírgine natus, Deus et Dominus idémque Rex máneat. De hac ígitur Regína dictum illud Psalmógraphi interpretátur: Adstitit Regína a dextris tuis in vestítu deauráto. Non ergo solum cæli, sed et cælórum Regína recte dicitur María, útpote mater Regis Angelórum, Regísque cælórum et amíca et sponsa. A te vero, augustíssima Regína, eadémque fidíssima Mater María, quam sine fructu pie nullus implórat, et cui mortáles omnes beneficiórum memória sempitérna devíncti sunt, étiam atque étiam reverénter oro et óbsecro, ut hoc qualecúmque observántiæ erga te meæ testimónium ratum et gratum habére velis, utque obláti múneris exiguitátem studiósa offeréntis voluntáte metíri ac tuo præpoténti Fílio comprobáre dignéris.
V. Tu autem, Dómine, miserére nobis.
R. Deo grátias.
R. Ecce pósitus est hic in ruínam et resurrectiónem multórum,
* Et tuam ipsíus ánimam pertransíbit gládius.
V. Ave, Christi Mater, passiónis sócia, totíus mundi Regína.
R. Et tuam ipsíus ánimam pertransíbit gládius.
- V.
- Jube, domne, benedícere.
Benedictio.
Ignem sui amóris accéndat Deus in córdibus nostris.
R. Amen.
Ex Lítteris Encýclicis Pii Papæ duodécimi
Encyclica « Ad cæli Regínam », diei 11 Octobris 1954
EChristiánæ vetustátis monuméntis, e litúrgicis précibus, ex índito christiáno pópulo religiónis sensu, ex opéribus arte conféctis, úndique collégimus voces quæ ásserunt Deíparam Vírginem regáli dignitáte præstáre; ratiónes étiam, quas sancta theología ex divínæ fídei thesáuro deducéndo ástruit, eándem veritátem prorsus confirmáre argúimus. Tot ex allátis testimóniis quasi latíssime résonans concéntus effícitur, qui extóllit régii honóris præcélsum fastígium Dei hominúmque Matris, cui cuncta creáta subsunt, quæ est: « exaltáta super choros Angelórum ad cæléstia regna ». Cum vero, matúro ponderatóque consílio, persuásum Nobis habeámus magna oritúra esse Ecclésiæ emoluménta, si quasi in suo candelábro rutilántior lucérna pósita, illa sólide probáta véritas maniféstior ómnibus refúlgeat, Apostólica Nostra Potestáte decérnimus et institúimus festum Maríæ Regínæ, quod toto terrárum orbe quotánnis die trigésimo primo mensis maji est celebrándum.
V. Tu autem, Dómine, miserére nobis.
R. Deo grátias.
R. Signum magnum appáruit in cælo:
* Múlier amícta sole, et luna sub pédibus ejus, et in cápite ejus coróna stellárum duódecim.
V. Cujus Fílius regnat in ætérnum.
R. Múlier amícta sole, et luna sub pédibus ejus, et in cápite ejus coróna stellárum duódecim.
V. Glória Patri, et Fílio, * et Spirítui Sancto.
R. Múlier amícta sole, et luna sub pédibus ejus, et in cápite ejus coróna stellárum duódecim.
Nocturnus III
Psalmus 95 [7]
- 95:1 Cantáte Dómino cánticum novum: * cantáte Dómino, omnis terra.
- 95:2 Cantáte Dómino, et benedícite nómini ejus: * annuntiáte de die in diem salutáre ejus.
- 95:3 Annuntiáte inter gentes glóriam ejus, * in ómnibus pópulis mirabília ejus.
- 95:4 Quóniam magnus Dóminus, et laudábilis nimis: * terríbilis est super omnes deos.
- 95:5 Quóniam omnes dii géntium dæmónia: * Dóminus autem cælos fecit.
- 95:6 Conféssio, et pulchritúdo in conspéctu ejus: * sanctimónia et magnificéntia in sanctificatióne ejus.
- 95:7 Afférte Dómino, pátriæ géntium, afférte Dómino glóriam et honórem: * afférte Dómino glóriam nómini ejus.
- 95:8 Tóllite hóstias, et introíte in átria ejus: * adoráte Dóminum in átrio sancto ejus.
- 95:9 Commoveátur a fácie ejus univérsa terra: * dícite in géntibus quia Dóminus regnávit.
- 95:10 Étenim corréxit orbem terræ qui non commovébitur: * judicábit pópulos in æquitáte.
- 95:11 Læténtur cæli, et exsúltet terra: commoveátur mare, et plenitúdo ejus: * gaudébunt campi, et ómnia quæ in eis sunt.
- 95:12 Tunc exsultábunt ómnia ligna silvárum a fácie Dómini, quia venit: * quóniam venit judicáre terram.
- 95:13 Judicábit orbem terræ in æquitáte, * et pópulos in veritáte sua.
Psalmus 96 [8]
- 96:1 Dóminus regnávit, exsúltet terra: * læténtur ínsulæ multæ.
- 96:2 Nubes, et calígo in circúitu ejus: * justítia, et judícium corréctio sedis ejus.
- 96:3 Ignis ante ipsum præcédet, * et inflammábit in circúitu inimícos ejus.
- 96:4 Illuxérunt fúlgura ejus orbi terræ: * vidit, et commóta est terra.
- 96:5 Montes, sicut cera fluxérunt a fácie Dómini: * a fácie Dómini omnis terra.
- 96:6 Annuntiavérunt cæli justítiam ejus: * et vidérunt omnes pópuli glóriam ejus.
- 96:7 Confundántur omnes, qui adórant sculptília: * et qui gloriántur in simulácris suis.
- Adoráte eum, omnes Ángeli ejus: * audívit, et lætáta est Sion.
- 96:8 Et exsultavérunt fíliæ Judæ, * propter judícia tua, Dómine:
- 96:9 Quóniam tu Dóminus Altíssimus super omnem terram: * nimis exaltátus es super omnes deos.
- 96:10 Qui dilígitis Dóminum, odíte malum: * custódit Dóminus ánimas sanctórum suórum, de manu peccatóris liberábit eos.
- 96:11 Lux orta est justo, * et rectis corde lætítia.
- 96:12 Lætámini, justi, in Dómino: * et confitémini memóriæ sanctificatiónis ejus.
Psalmus 97 [9]
- 97:1 Cantáte Dómino cánticum novum: * quia mirabília fecit.
- Salvávit sibi déxtera ejus: * et brácchium sanctum ejus.
- 97:2 Notum fecit Dóminus salutáre suum: * in conspéctu géntium revelávit justítiam suam.
- 97:3 Recordátus est misericórdiæ suæ, * et veritátis suæ dómui Israël.
- Vidérunt omnes términi terræ * salutáre Dei nostri.
- 97:4 Jubiláte Deo, omnis terra: * cantáte, et exsultáte, et psállite.
- 97:5 Psállite Dómino in cíthara, in cíthara et voce psalmi: * in tubis ductílibus, et voce tubæ córneæ.
- 97:6 Jubiláte in conspéctu regis Dómini: * moveátur mare, et plenitúdo ejus: orbis terrárum, et qui hábitant in eo.
- 97:8 Flúmina plaudent manu, simul montes exsultábunt a conspéctu Dómini: * quóniam venit judicáre terram.
- 97:9 Judicábit orbem terrárum in justítia, * et pópulos in æquitáte.
- V.
- Beátam me dicent omnes generatiónes.
- R.
- Quia fecit mihi magna qui potens est.
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris:
V. Et ne nos indúcas in tentatiónem:
R. Sed líbera nos a malo.
Absolutio.
A vínculis peccatórum nostrórum absólvat nos omnípotens et miséricors Dóminus.
R. Amen.
- V.
- Jube, domne, benedícere.
Benedictio.
Evangélica léctio sit nobis salus et protéctio.
R. Amen.
Léctio sancti Evangélii secúndum Lucam
Luc 1:26-33
In illo témpore: Missus est Angelus Gábriel a Deo in civitátem Galilǽæ, cui nomen Názareth, ad Vírginem desponsátam viro, cui nomen erat Joseph de domo David, et nomen Vírginis María. Et réliqua.
Homilía sancti Bonaventúræ Epíscopi
Sermo de regia dignitate Beatæ Mariæ Virginis
Beáta María Virgo, summi Regis mater est per generósam conceptiónem, secúndum quod dícitur in verbo sibi dicto ab Angelo: Ecce inquit, concípies et páries fílium; et póstea: Dabit ei Dóminus sedem David patris ejus, et regnábit in domo Jacob in ætérnum, et regni ejus non erit finis. Ac si apérte dicat: Concípies et páries fílium Regem, in regáli sólio æternáliter residéntem, ac per hoc tamquam Mater Regis regnábis, et ut Regína in regáli sólio residébis. Si enim decet filium honórem matri dare, decet ut ei commúnicet thronum regálem; unde Virgo María, quia concépit eum, qui habet in fémore scriptum: Rex regum et Dóminus dominántium, statim ex quo concépit Fílium Dei, Regína fuit, non solum terræ, sed étiam cæli, quod designátum est in Apocalýpsi ubi dícitur: Signum magnum appáruit in cælo: múlier amícta sole, et luna sub pédibus ejus, et in cápite ejus coróna stellárum duódecim.
V. Tu autem, Dómine, miserére nobis.
R. Deo grátias.
R. Ecce Virgo concípiet et páriet Fílium,
* Et vocábitur nomen ejus Admirábilis, Deus, Fortis.
V. Super sólium David et super regnum ejus sedébit in ætérnum.
R. Et vocábitur nomen ejus Admirábilis, Deus, Fortis.
- V.
- Jube, domne, benedícere.
Benedictio.
Cujus festum cólimus, ipsa Virgo vírginum intercédat pro nobis ad Dóminum.
R. Amen.
María Regína est præclaríssima quantum ad glóriam, quod bene desígnat Prophéta in psalmo qui speciáliter est de Christo et Vírgine María, ubi primo dícitur de Christo: Sedes tua, Deus, in sǽculum sǽculi, et paulo post de Vírgine: Adstitit regína a dextris tuis, hoc est in potióribus bonis, quod quidem dictum est quantum ad glóriam mentis. Séquitur: In vestítu deauráto, in quo exprímitur vestítus gloriósæ immortalitátis, quem décuit habére Vírginem in sua Assumptióne. Absit enim ut vestiméntum illud quo opértus est Christus, quod étiam fuit perfécte sanctificátum in terra per Verbum incarnátum, fiat cibus vérmium. Sicut décuit Christum dare grátiam Matri suæ pleníssimam in sua Conceptióne, sic décuit tribúere pleníssimam glóriam in ipsíus Matris Assumptióne. Et ídeo tenéndum est quod Virgo, gloriósa in ánima et córpore, sédeat juxta Fílium.
V. Tu autem, Dómine, miserére nobis.
R. Deo grátias.
R. Exaltáta es, sancta Dei Génitrix,
* Super choros Angelórum ad cæléstia regna.
V. Intercéde pro nobis ad Dóminum Jesum Christum.
R. Super choros Angelórum ad cæléstia regna.
V. Glória Patri, et Fílio, * et Spirítui Sancto.
R. Super choros Angelórum ad cæléstia regna.
- V.
- Jube, domne, benedícere.
Benedictio.
Ad societátem cívium supernórum perdúcat nos Rex Angelórum.
R. Amen.
Commemoratio: S. Angelæ Mericiæ Virginis
Angela Merícia, piis orta paréntibus, a prima ætáte magna virtútum specímina dedit, cilício ac flagéllis frequénter usa, et oratióni indesinénter dédita. Patérnis bonis abdicátis, ac régulam tértii órdinis sancti Francísci ampléxa, evangélicam paupertátem virginitátis laudi conjúnxit, nullúmque pietátis offícium erga próximos omísit. Sacra Eucharístia frequentíssime refécta, tanta caritátis vi ferebátur in Deum, ut sǽpius extra sensus raperétur. Bríxiæ novam vírginum societátem sub certa disciplína sanctísque vivéndi régulis constítuit, quam sanctæ Ursulæ patrocínio ac nómine insignívit. Tandem prope septuagenária evolávit in cælum, anno Dómini millésimo quingentésimo quadragésimo, sexto kaléndas februárii. Cultum illi jámdiu exhíbitum Clemens Papa décimus tértius solémni decréto ratum hábuit et confirmávit. Pius vero Papa séptimus sanctárum Vírginum catálogo eam adscrípsit.
V. Tu autem, Dómine, miserére nobis.
R. Deo grátias.
Te Deum
Te Deum laudámus: * te Dóminum confitémur.
Te ætérnum Patrem * omnis terra venerátur.
Tibi omnes Ángeli, * tibi Cæli, et univérsæ Potestátes:
Tibi Chérubim et Séraphim * incessábili voce proclámant:
Fit reverentia Sanctus, Sanctus, Sanctus * Dóminus Deus Sábaoth.
Pleni sunt cæli et terra * majestátis glóriæ tuæ.
Te gloriósus * Apostolórum chorus,
Te Prophetárum * laudábilis númerus,
Te Mártyrum candidátus * laudat exércitus.
Te per orbem terrárum * sancta confitétur Ecclésia,
Patrem * imménsæ majestátis;
Venerándum tuum verum * et únicum Fílium;
Sanctum quoque * Paráclitum Spíritum.
Tu Rex glóriæ, * Christe.
Tu Patris * sempitérnus es Fílius.
Fit reverentia Tu, ad liberándum susceptúrus hóminem: * non horruísti Vírginis úterum.
Tu, devícto mortis acúleo, * aperuísti credéntibus regna cælórum.
Tu ad déxteram Dei sedes, * in glória Patris.
Judex créderis * esse ventúrus.
Sequens versus dicitur flexis genibus Te ergo quǽsumus, tuis fámulis súbveni, * quos pretióso sánguine redemísti.
Ætérna fac cum Sanctis tuis * in glória numerári.
Salvum fac pópulum tuum, Dómine, * et bénedic hereditáti tuæ.
Et rege eos, * et extólle illos usque in ætérnum.
Per síngulos dies * benedícimus te.
Fit reverentia, secundum consuetudinem Et laudámus nomen tuum in sǽculum, * et in sǽculum sǽculi.
Dignáre, Dómine, die isto * sine peccáto nos custodíre.
Miserére nostri, Dómine, * miserére nostri.
Fiat misericórdia tua, Dómine, super nos, * quemádmodum sperávimus in te.
In te, Dómine, sperávi: * non confúndar in ætérnum.
Reliqua omittuntur, nisi Laudes separandæ sint.
- V.
- Dómine, exáudi oratiónem meam.
- R.
- Et clamor meus ad te véniat.
Orémus.
Concéde nobis, quǽsumus, Dómine: ut, qui solemnitátem beatæ Maríæ Vírginis Regínæ nostræ celebrámus; ejus muníti præsídio, pacem in præsénti et glóriam in futúro cónsequi mereámur.
Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.
R. Amen.
- V.
- Dómine, exáudi oratiónem meam.
- R.
- Et clamor meus ad te véniat.
- V.
- Benedicámus Dómino.
- R.
- Deo grátias.
- V.
- Fidélium ánimæ per misericórdiam Dei requiéscant in pace.
- R.
- Amen.
Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.
Post Divinum officium