B
Ss. Innocentium Duplex II. classis
Feria II, 28 Decembris MMXXVI
Hodie Ad Missam →
Pre-1955 1962

Ss. Innocentium

Duplex II. classis
Ad Vesperae

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Ant. Tecum princípium * in die virtútis tuæ, in splendóribus sanctórum, ex útero ante lucíferum génui te.

Psalmus 109 [1]

  1. 109:1 Dixit Dóminus Dómino meo: * Sede a dextris meis:
  2. Donec ponam inimícos tuos, * scabéllum pedum tuórum.
  3. 109:2 Virgam virtútis tuæ emíttet Dóminus ex Sion: * domináre in médio inimicórum tuórum.
  4. 109:3 Tecum princípium in die virtútis tuæ in splendóribus sanctórum: * ex útero ante lucíferum génui te.
  5. 109:4 Jurávit Dóminus, et non pœnitébit eum: * Tu es sacérdos in ætérnum secúndum órdinem Melchísedech.
  6. 109:5 Dóminus a dextris tuis, * confrégit in die iræ suæ reges.
  7. 109:6 Judicábit in natiónibus, implébit ruínas: * conquassábit cápita in terra multórum.
  8. 109:7 De torrénte in via bibet: * proptérea exaltábit caput.
Ant. Redemptiónem * misit Dóminus pópulo suo: mandávit in ætérnum testaméntum suum.

Psalmus 110 [2]

  1. 110:1 Confitébor tibi, Dómine, in toto corde meo: * in consílio justórum, et congregatióne.
  2. 110:2 Magna ópera Dómini: * exquisíta in omnes voluntátes ejus.
  3. 110:3 Conféssio et magnificéntia opus ejus: * et justítia ejus manet in sǽculum sǽculi.
  4. 110:4 Memóriam fecit mirabílium suórum, miséricors et miserátor Dóminus: * escam dedit timéntibus se.
  5. 110:5 Memor erit in sǽculum testaménti sui: * virtútem óperum suórum annuntiábit pópulo suo:
  6. 110:7 Ut det illis hereditátem géntium: * ópera mánuum ejus véritas, et judícium.
  7. 110:8 Fidélia ómnia mandáta ejus: confirmáta in sǽculum sǽculi, * facta in veritáte et æquitáte.
  8. 110:9 Redemptiónem misit pópulo suo: * mandávit in ætérnum testaméntum suum.
  9. (fit reverentia) Sanctum, et terríbile nomen ejus: * inítium sapiéntiæ timor Dómini.
  10. 110:10 Intelléctus bonus ómnibus faciéntibus eum: * laudátio ejus manet in sǽculum sǽculi.
Ant. Exórtum est * in ténebris lumen rectis corde: miséricors, et miserátor, et justus Dóminus.

Psalmus 111 [3]

  1. 111:1 Beátus vir, qui timet Dóminum: * in mandátis ejus volet nimis.
  2. 111:2 Potens in terra erit semen ejus: * generátio rectórum benedicétur.
  3. 111:3 Glória, et divítiæ in domo ejus: * et justítia ejus manet in sǽculum sǽculi.
  4. 111:4 Exórtum est in ténebris lumen rectis: * miséricors, et miserátor, et justus.
  5. 111:5 Jucúndus homo qui miserétur et cómmodat, dispónet sermónes suos in judício: * quia in ætérnum non commovébitur.
  6. 111:7 In memória ætérna erit justus: * ab auditióne mala non timébit.
  7. Parátum cor ejus speráre in Dómino, confirmátum est cor ejus: * non commovébitur donec despíciat inimícos suos.
  8. 111:9 Dispérsit, dedit paupéribus: justítia ejus manet in sǽculum sǽculi, * cornu ejus exaltábitur in glória.
  9. 111:10 Peccátor vidébit, et irascétur, déntibus suis fremet et tabéscet: * desidérium peccatórum períbit.
Ant. Apud Dóminum * misericórdia, et copiósa apud eum redémptio.

Psalmus 129 [4]

  1. 129:1 De profúndis clamávi ad te, Dómine: * Dómine, exáudi vocem meam:
  2. 129:2 Fiant aures tuæ intendéntes, * in vocem deprecatiónis meæ.
  3. 129:3 Si iniquitátes observáveris, Dómine: * Dómine, quis sustinébit?
  4. 129:4 Quia apud te propitiátio est: * et propter legem tuam sustínui te, Dómine.
  5. 129:5 Sustínuit ánima mea in verbo ejus: * sperávit ánima mea in Dómino.
  6. 129:6 A custódia matutína usque ad noctem: * speret Israël in Dómino.
  7. 129:7 Quia apud Dóminum misericórdia: * et copiósa apud eum redémptio.
  8. 129:8 Et ipse rédimet Israël, * ex ómnibus iniquitátibus ejus.
Ant. De fructu * ventris tui ponam super sedem tuam.

Psalmus 131 [5]

  1. 131:1 Meménto, Dómine, David, * et omnis mansuetúdinis ejus:
  2. 131:2 Sicut jurávit Dómino, * votum vovit Deo Jacob:
  3. 131:3 Si introíero in tabernáculum domus meæ, * si ascéndero in lectum strati mei:
  4. 131:4 Si dédero somnum óculis meis, * et pálpebris meis dormitatiónem:
  5. 131:5 Et réquiem tempóribus meis: donec invéniam locum Dómino, * tabernáculum Deo Jacob.
  6. 131:6 Ecce, audívimus eam in Éphrata: * invénimus eam in campis silvæ.
  7. 131:7 Introíbimus in tabernáculum ejus: * adorábimus in loco, ubi stetérunt pedes ejus.
  8. 131:8 Surge, Dómine, in réquiem tuam, * tu et arca sanctificatiónis tuæ.
  9. 131:9 Sacerdótes tui induántur justítiam: * et sancti tui exsúltent.
  10. 131:10 Propter David, servum tuum, * non avértas fáciem Christi tui.
  11. 131:11 Jurávit Dóminus David veritátem, et non frustrábitur eam: * De fructu ventris tui ponam super sedem tuam.
  12. 131:12 Si custodíerint fílii tui testaméntum meum, * et testimónia mea hæc, quæ docébo eos:
  13. Et fílii eórum usque in sǽculum, * sedébunt super sedem tuam.
  14. 131:13 Quóniam elégit Dóminus Sion: * elégit eam in habitatiónem sibi.
  15. 131:14 Hæc réquies mea in sǽculum sǽculi: * hic habitábo quóniam elégi eam.
  16. 131:15 Víduam ejus benedícens benedícam: * páuperes ejus saturábo pánibus.
  17. 131:16 Sacerdótes ejus índuam salutári: * et sancti ejus exsultatióne exsultábunt.
  18. 131:17 Illuc prodúcam cornu David, * parávi lucérnam Christo meo.
  19. 131:18 Inimícos ejus índuam confusióne: * super ipsum autem efflorébit sanctificátio mea.

Apo 14:1

Vidi supra montem Sion Agnum stantem, et cum eo centum quadragínta quátuor míllia habéntes nomen ejus, et nomen Patris ejus scriptum in fróntibus suis.

R. Deo grátias.

Capitulum Hymnus Versus

Salvéte, flores Mártyrum,

Quos lucis ipso in límine

Christi insecútor sústulit,

Ceu turbo nascéntes rosas.

Vos prima Christi víctima,

Grex immolatórum tener,

Aram sub ipsam símplices

Palma et corónis lúditis.

Jesu, tibi sit glória,

Qui natus es de Vírgine,

Cum Patre et almo Spíritu,

In sempitérna sǽcula.

Amen.

V.
Sub throno Dei omnes Sancti clamant.
R.
Víndica sánguinem nostrum, Deus noster.
Ant. Innocéntes pro Christo * infántes occísi sunt, ab iníquo rege lacténtes interfécti sunt: ipsum sequúntur Agnum sine mácula, et dicunt semper: Glória tibi, Dómine.

Canticum B. Mariæ Virginis

  1. 1:46 Magníficat ✠ * ánima mea Dóminum.
  2. 1:47 Et exsultávit spíritus meus: * in Deo, salutári meo.
  3. 1:48 Quia respéxit humilitátem ancíllæ suæ: * ecce enim ex hoc beátam me dicent omnes generatiónes.
  4. 1:49 Quia fecit mihi magna qui potens est: * et sanctum nomen ejus.
  5. 1:50 Et misericórdia ejus, a progénie in progénies: * timéntibus eum.
  6. 1:51 Fecit poténtiam in brácchio suo: * dispérsit supérbos mente cordis sui.
  7. 1:52 Depósuit poténtes de sede: * et exaltávit húmiles.
  8. 1:53 Esuriéntes implévit bonis: * et dívites dimísit inánes.
  9. 1:54 Suscépit Israël púerum suum: * recordátus misericórdiæ suæ.
  10. 1:55 Sicut locútus est ad patres nostros: * Ábraham, et sémini ejus in sǽcula.
Preces Feriales{omittitur}
V.
Dómine, exáudi oratiónem meam.
R.
Et clamor meus ad te véniat.

Orémus.

Deus, cujus hodiérna die præcónium Innocéntes Mártyres non loquéndo, sed moriéndo conféssi sunt: ómnia in nobis vitiórum mala mortífica; ut fidem tuam, quam lingua nostra lóquitur, étiam móribus vita fateátur.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

Commemoratio S. Thomæ Cantuariensis Episcopi et Martyris

Ant. Iste Sanctus pro lege Dei sui certávit usque ad mortem, et a verbis impiórum non tímuit: fundátus enim erat supra firmam petram.
V.
Glória et honóre coronásti eum, Dómine.
R.
Et constituísti eum super ópera mánuum tuárum.

Orémus.

Deus, pro cujus Ecclésia gloriósus Póntifex Thomas gládiis impiórum occúbuit: præsta, quǽsumus; ut omnes, qui ejus implórant auxílium, petitiónis suæ salutárem consequántur efféctum.

Commemoratio Diei IV infra Octavam Nativitatis

Ant. Hódie Christus natus est: hódie Salvátor appáruit: hódie in terra canunt Angeli, lætántur Archángeli: hódie exsúltant justi, dicéntes: Glória in excélsis Deo, allelúja.
V.
Notum fecit Dóminus, allelúja.
R.
Salutáre suum, allelúja.

Orémus.

Concéde, quǽsumus, omnípotens Deus: ut nos Unigéniti tui nova per carnem Natívitas líberet; quos sub peccáti jugo vetústa sérvitus tenet.

Per eúmdem Dóminum nostrum Jesum Christum Fílium tuum, qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

Suffragium{omittitur}
V.
Dómine, exáudi oratiónem meam.
R.
Et clamor meus ad te véniat.
V.
Benedicámus Dómino.
R.
Deo grátias.
V.
Fidélium ánimæ per misericórdiam Dei requiéscant in pace.
R.
Amen.
Et si tunc terminetur Officium, dicitur tantum Pater Noster secreto.

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Post Divinum officium