B
Feria Quinta infra Hebdomadam XXII post Octavam Pentecostes IV. Octobris Feria
Feria V, 29 Octobris MMXXVI
Hodie Ad Missam →
Pre-1955 1962

Feria Quinta infra Hebdomadam XXII post Octavam Pentecostes IV. Octobris

Feria
Ad Sexta

Ad Sextam

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Hymnus

Rector potens, verax Deus,

Qui témperas rerum vices,

Splendóre mane illúminas,

Et ígnibus merídiem:

Exstíngue flammas lítium,

Aufer calórem nóxium,

Confer salútem córporum,

Verámque pacem córdium.

Præsta, Pater piíssime,

Patríque compar Únice,

Cum Spíritu Paráclito

Regnans per omne sǽculum.

Amen.

Ant. Memor esto.

Psalmus 73(1-9) [1]

  1. 73:1 Ut quid, Deus, repulísti in finem: * irátus est furor tuus super oves páscuæ tuæ?
  2. 73:2 Memor esto congregatiónis tuæ, * quam possedísti ab inítio.
  3. Redemísti virgam hereditátis tuæ: * mons Sion, in quo habitásti in eo.
  4. 73:3 Leva manus tuas in supérbias eórum in finem: * quanta malignátus est inimícus in sancto!
  5. 73:4 Et gloriáti sunt qui odérunt te: * in médio solemnitátis tuæ.
  6. 73:5 Posuérunt signa sua, signa: * et non cognovérunt sicut in éxitu super summum.
  7. 73:6 Quasi in silva lignórum secúribus excidérunt jánuas ejus in idípsum: * in secúri et áscia dejecérunt eam.
  8. 73:7 Incendérunt igni Sanctuárium tuum: * in terra polluérunt tabernáculum nóminis tui.
  9. 73:8 Dixérunt in corde suo cognátio eórum simul: * Quiéscere faciámus omnes dies festos Dei a terra.
  10. 73:9 Signa nostra non vídimus, jam non est prophéta: * et nos non cognóscet ámplius.

Psalmus 73(10-17) [2]

  1. 73:10 Úsquequo, Deus, improperábit inimícus: * irrítat adversárius nomen tuum in finem?
  2. 73:11 Ut quid avértis manum tuam, et déxteram tuam, * de médio sinu tuo in finem?
  3. 73:12 Deus autem Rex noster ante sǽcula: * operátus est salútem in médio terræ.
  4. 73:13 Tu confirmásti in virtúte tua mare: * contribulásti cápita dracónum in aquis.
  5. 73:14 Tu confregísti cápita dracónis: * dedísti eum escam pópulis Æthíopum.
  6. 73:15 Tu dirupísti fontes, et torréntes: * tu siccásti flúvios Ethan.
  7. 73:16 Tuus est dies, et tua est nox: * tu fabricátus es auróram et solem.
  8. 73:17 Tu fecísti omnes términos terræ: * æstátem et ver tu plasmásti ea.

Psalmus 73(18-23) [3]

  1. 73:18 Memor esto hujus, inimícus improperávit Dómino: * et pópulus insípiens incitávit nomen tuum.
  2. 73:19 Ne tradas béstiis ánimas confiténtes tibi, * et ánimas páuperum tuórum ne obliviscáris in finem.
  3. 73:20 Réspice in testaméntum tuum: * quia repléti sunt, qui obscuráti sunt terræ dómibus iniquitátum.
  4. 73:21 Ne avertátur húmilis factus confúsus: * pauper et inops laudábunt nomen tuum.
  5. 73:22 Exsúrge, Deus, júdica causam tuam: * memor esto improperiórum tuórum, eórum quæ ab insipiénte sunt tota die.
  6. 73:23 Ne obliviscáris voces inimicórum tuórum: * supérbia eórum, qui te odérunt, ascéndit semper.

Rom 13:8

Némini quidquam debeátis, nisi ut ínvicem diligátis: qui enim díligit próximum, legem implévit.

R. Deo grátias.

R. Benedícam Dóminum * In omni témpore.

R. Benedícam Dóminum * In omni témpore.

V. Semper laus ejus in ore meo.

R. In omni témpore.

V. Glória Patri, et Fílio, * et Spirítui Sancto.

R. Benedícam Dóminum * In omni témpore.

V. Dóminus regit me, et nihil mihi déerit.

R. In loco páscuæ ibi me collocávit.

Preces Feriales{omittitur}
V.
Dómine, exáudi oratiónem meam.
R.
Et clamor meus ad te véniat.

Orémus.

Deus, refúgium nostrum et virtus: adésto piis Ecclésiæ tuæ précibus, auctor ipse pietátis, et præsta; ut, quod fidéliter pétimus, efficáciter consequámur.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

V.
Dómine, exáudi oratiónem meam.
R.
Et clamor meus ad te véniat.
V.
Benedicámus Dómino.
R.
Deo grátias.
V.
Fidélium ánimæ per misericórdiam Dei requiéscant in pace.
R.
Amen.
Deinde dicitur tantum Pater Noster secreto, nisi sequatur alia Hora.

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Post Divinum officium