S. Raymundi Nonnati Confessoris

Duplex

Ad Prima

Ad Primam

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Hymnus

Jam lucis orto sídere,

Deum precémur súpplices,

Ut in diúrnis áctibus

Nos servet a nocéntibus.

Linguam refrénans témperet,

Ne litis horror ínsonet:

Visum fovéndo cóntegat,

Ne vanitátes háuriat.

Sint pura cordis íntima,

Absístat et vecórdia;

Carnis terat supérbiam

Potus cibíque párcitas.

Ut, cum dies abscésserit,

Noctémque sors redúxerit,

Mundi per abstinéntiam

Ipsi canámus glóriam.

Deo Patri sit glória,

Ejúsque soli Fílio,

Cum Spíritu Paráclito,

Nunc et per omne sǽculum.

Amen.

Ant. Ínnocens mánibus.

Psalmus 23 [1]

23:1 Dómini est terra, et plenitúdo ejus: * orbis terrárum, et univérsi qui hábitant in eo.
23:2 Quia ipse super mária fundávit eum: * et super flúmina præparávit eum.
23:3 Quis ascéndet in montem Dómini? * aut quis stabit in loco sancto ejus?
23:4 Ínnocens mánibus et mundo corde, * qui non accépit in vano ánimam suam, nec jurávit in dolo próximo suo.
23:5 Hic accípiet benedictiónem a Dómino: * et misericórdiam a Deo, salutári suo.
23:6 Hæc est generátio quæréntium eum, * quæréntium fáciem Dei Jacob.
23:7 Attóllite portas, príncipes, vestras, et elevámini, portæ æternáles: * et introíbit Rex glóriæ.
23:8 Quis est iste Rex glóriæ? * Dóminus fortis et potens: Dóminus potens in prǽlio.
23:9 Attóllite portas, príncipes, vestras, et elevámini, portæ æternáles: * et introíbit Rex glóriæ.
23:10 Quis est iste Rex glóriæ? * Dóminus virtútum ipse est Rex glóriæ.

Psalmus 18(2-7b) [2]

18:2 Cæli enárrant glóriam Dei: * et ópera mánuum ejus annúntiat firmaméntum.
18:3 Dies diéi erúctat verbum, * et nox nocti índicat sciéntiam.
18:4 Non sunt loquélæ, neque sermónes, * quorum non audiántur voces eórum.
18:5 In omnem terram exívit sonus eórum: * et in fines orbis terræ verba eórum.
18:6 In sole pósuit tabernáculum suum: * et ipse tamquam sponsus procédens de thálamo suo:
Exsultávit ut gigas ad curréndam viam, * a summo cælo egréssio ejus:
18:7 Et occúrsus ejus usque ad summum ejus: * nec est qui se abscóndat a calóre ejus.

Psalmus 18(8-15b) [3]

18:8 Lex Dómini immaculáta, convértens ánimas: * testimónium Dómini fidéle, sapiéntiam præstans párvulis.
18:9 Justítiæ Dómini rectæ, lætificántes corda: * præcéptum Dómini lúcidum, illúminans óculos.
18:10 Timor Dómini sanctus, pérmanens in sǽculum sǽculi: * judícia Dómini vera, justificáta in semetípsa.
18:11 Desiderabília super aurum et lápidem pretiósum multum: * et dulcióra super mel et favum.
18:12 Étenim servus tuus custódit ea, * in custodiéndis illis retribútio multa.
18:13 Delícta quis intéllegit? ab occúltis meis munda me: * et ab aliénis parce servo tuo.
18:14 Si mei non fúerint domináti, tunc immaculátus ero: * et emundábor a delícto máximo.
18:15 Et erunt ut compláceant elóquia oris mei: * et meditátio cordis mei in conspéctu tuo semper.
Dómine, adjútor meus, * et redémptor meus.

1 Tim. 1:17

Regi sæculórum immortáli et invisíbili, soli Deo honor et glória in sǽcula sæculórum. Amen.

R. Deo grátias.

R. Christe, Fili Dei vivi, * Miserére nobis.

V. Qui sedes ad déxteram Patris.

R. Miserére nobis.

V. Glória Patri, et Fílio, * et Spirítui Sancto.

R. Christe, Fili Dei vivi, * Miserére nobis.

V. Exsúrge, Christe, ádjuva nos.

R. Et líbera nos propter nomen tuum.

Preces Dominicales et Feriales{omittitur}

Preces Feriales{omittitur}

Preces Dominicales et Feriales{omittitur}

V.: Dómine, exáudi oratiónem meam.
R.: Et clamor meus ad te véniat.

Orémus.

Dómine Deus omnípotens, qui ad princípium hujus diéi nos perveníre fecísti: tua nos hódie salva virtúte; ut in hac die ad nullum declinémus peccátum, sed semper ad tuam justítiam faciéndam nostra procédant elóquia, dirigántur cogitatiónes et ópera.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

V. Dómine, exáudi oratiónem meam.

R. Et clamor meus ad te véniat.

V. Benedicámus Dómino.

R. Deo grátias.

Kaléndis Septémbris Luna undevicésima Anno Dómini 2026

In província Narbonénsi sancti Ægídii, Abbátis et Confessóris, cujus nómine est appellátum óppidum, quod póstea crevit in loco, ubi ipse monastérium eréxerat et mortális vitæ cursum absólverat.

Sentiáni, in fínibus Apúliæ, pássio sanctórum Donáti et altérius Felícis; qui, sanctórum Bonifátii et Theclæ fílii, a Valeriáno Júdice, sub Maximiáno Imperatóre, jussi sunt, post vária torménta, cápite præcídi hodiérna die, in qua et festívitas aliórum ex duódecim frátribus, quorum natális respectívis diébus ágitur, institúta est celebrári. Ipsórum vero duódecim fratrum córpora Benevéntum póstea transláta sunt, ibíque honorífice asserváta.

In Palæstína sanctórum Jósue et Gedeónis.

Hierosólymis beátæ Annæ Prophetíssæ, cujus sanctitátem sermo Evangélicus prodit.

Cápuæ, via Aquária, sancti Prisci Mártyris, qui fuit unus de antíquis Christi discípulis.

Tudérti, in Umbria, sancti Terentiáni, Epíscopi et Mártyris; qui, sub Hadriáno Imperatóre, Lætiáni Procónsulis jussu, equúleo et scorpiónibus cruciátus est, ac demum, abscíssa lingua, cápitis damnátus martýrium complévit.

Heracléæ, in Thrácia, sancti Ammónis Diáconi, et sanctárum quadragínta Vírginum, quas ille erudívit in fide, et, sub Licínio tyránno, ad martýrii glóriam secum perdúxit.

In Hispánia sanctórum Mártyrum Vincéntii et Læti.

Populónii, in Túscia, sancti Réguli Mártyris, qui ex Africa illuc venit, ibíque, sub Tótila, martýrium consummávit.

Cápuæ sancti Prisci Epíscopi, qui unus fuit ex illis Sacerdótibus, qui, in persecutióne Wandalórum, ob fidem cathólicam várie afflícti et vetústæ navi impósiti, ex Africa ad Campániæ líttora pervenérunt, et Christiánam religiónem, in iis locis dispérsi diversísque Ecclésiis præfécti, mirífice propagárunt. Ipsíus autem fuérunt sócii Castrénsis, cujus dies natális tértio Idus Februárii recólitur, Támmarus, Rósius, Heráclius, Secundínus, Adjútor, Marcus, Augústus, Elpídius, Cánion et Vindónius.

Apud Sénonas beáti Lupi, Epíscopi et Confessóris; de quo refértur quod quadam die, præsénte Clero, dum sacris altáribus adstáret, lapsa est cǽlitus gemma in ejus cálicem sanctum.

Rhemis, in Gállia, sancti Xysti, qui fuit primus ejúsdem civitátis Epíscopus.

Apud Cenómanos, in Gállia, sancti Victórii Epíscopi.

Apud Aquínum sancti Constántii Epíscopi, prophetíæ dono multísque virtútibus clari.

Ad Aquas Duras, in Constantiénsi Germániæ território, sanctæ Verénæ Vírginis.

V. Et álibi aliórum plurimórum sanctórum Mártyrum et Confessórum, atque sanctárum Vírginum.

R. Deo grátias.

V.: Pretiósa in conspéctu Dómini.
R.: Mors Sanctórum ejus.

Sancta María et omnes Sancti intercédant pro nobis ad Dóminum, ut nos mereámur ab eo adjuvári et salvári, qui vivit et regnat in sǽcula sæculórum.

R. Amen.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Glória Patri, et Fílio, * et Spirítui Sancto.
R.: Sicut erat in princípio, et nunc, et semper, * et in sǽcula sæculórum. Amen.

Kýrie, eléison. Christe, eléison. Kýrie, eléison.

Pater Noster dicitur secreto usque ad Et ne nos indúcas in tentatiónem:

V. Et ne nos indúcas in tentatiónem:

R. Sed líbera nos a malo.

V. Réspice in servos tuos, Dómine, et in ópera tua, et dírige fílios eórum.

R. Et sit splendor Dómini Dei nostri super nos, et ópera mánuum nostrárum dírige super nos, et opus mánuum nostrárum dírige.

V. Glória Patri, et Fílio, * et Spirítui Sancto.

R. Sicut erat in princípio, et nunc, et semper, * et in sǽcula sæculórum. Amen.

Orémus.

Dirígere et sanctificáre, régere et gubernáre dignáre, Dómine Deus, Rex cæli et terræ, hódie corda et córpora nostra, sensus, sermónes et actus nostros in lege tua, et in opéribus mandatórum tuórum: ut hic et in ætérnum, te auxiliánte, salvi et líberi esse mereámur, Salvátor mundi: Qui vivis et regnas in sǽcula sæculórum.

R. Amen.

Extra Chorum, quando ab uno tantum recitatur Officium dicitur: Jube, Dómine, benedícere; et subjungitur congruens Benedictio.

V.: Jube, domne, benedícere.

Benedictio. Sap 10:10

Dies et actus nostros in sua pace dispónat Dóminus omnípotens.

R. Amen.

Justum dedúxit Dóminus per vias rectas, et osténdit illi regnum Dei, et dedit illi sciéntiam sanctórum: honestávit illum in labóribus, et complévit labóres illíus.

V. Tu autem, Dómine, miserére nobis.

R. Deo grátias.

V.: Adjutórium nostrum ✠ in nómine Dómini.
R.: Qui fecit cælum et terram.

V.: Benedícite.
R.: Deus.

Benedictio.

Dóminus nos benedícat, ✠ et ab omni malo deféndat, et ad vitam perdúcat ætérnam. Et fidélium ánimæ per misericórdiam Dei requiéscant in pace.

R. Amen.

Deinde dicitur tantum Pater Noster secreto, nisi sequatur alia Hora.

Post Divinum officium