S. Bonaventuræ Episcopi Confessoris et Ecclesiæ Doctoris

Duplex

Ad Prima

Ad Primam

Ante Divinum officium

secreto

Pater noster, qui es in cælis, sanctificétur nomen tuum: advéniat regnum tuum: fiat volúntas tua, sicut in cælo et in terra. Panem nostrum quotidiánum da nobis hódie: et dimítte nobis débita nostra, sicut et nos dimíttimus debitóribus nostris: et ne nos indúcas in tentatiónem: sed líbera nos a malo. Amen.

Ave María, grátia plena; Dóminus tecum: benedícta tu in muliéribus, et benedíctus fructus ventris tui Jesus. Sancta María, Mater Dei, ora pro nobis peccatóribus, nunc et in hora mortis nostræ. Amen.

Credo in Deum, Patrem omnipoténtem, Creatórem cæli et terræ. Et in Jesum Christum, Fílium ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus, et sepúltus: descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis: inde ventúrus est judicáre vivos et mórtuos. Credo in Spíritum Sanctum, sanctam Ecclésiam cathólicam, Sanctórum communiónem, remissiónem peccatórum, carnis resurrectiónem, vitam ætérnam. Amen.

Deinde, clara voce, dicitur Versus:

V. Deus ✠ in adjutórium meum inténde.

R. Dómine, ad adjuvándum me festína.

Glória Patri, et Fílio, * et Spirítui Sancto.

Sicut erat in princípio, et nunc, et semper, * et in sǽcula sæculórum. Amen.

Allelúja.

Hymnus

Jam lucis orto sídere,

Deum precémur súpplices,

Ut in diúrnis áctibus

Nos servet a nocéntibus.

Linguam refrénans témperet,

Ne litis horror ínsonet:

Visum fovéndo cóntegat,

Ne vanitátes háuriat.

Sint pura cordis íntima,

Absístat et vecórdia;

Carnis terat supérbiam

Potus cibíque párcitas.

Ut, cum dies abscésserit,

Noctémque sors redúxerit,

Mundi per abstinéntiam

Ipsi canámus glóriam.

Deo Patri sit glória,

Ejúsque soli Fílio,

Cum Spíritu Paráclito,

Nunc et per omne sǽculum.

Amen.

Ant. Deus meus.

Psalmus 24(1-7) [1]

24:1 Ad te, Dómine, levávi ánimam meam: * Deus meus, in te confído, non erubéscam.
24:3 Neque irrídeant me inimíci mei: * étenim univérsi, qui sústinent te, non confundéntur.
24:4 Confundántur omnes iníqua agéntes * supervácue.
Vias tuas, Dómine, demónstra mihi: * et sémitas tuas édoce me.
24:5 Dírige me in veritáte tua, et doce me: * quia tu es, Deus, salvátor meus, et te sustínui tota die.
24:6 Reminíscere miseratiónum tuárum, Dómine, * et misericordiárum tuárum, quæ a sǽculo sunt.
24:7 Delícta juventútis meæ, * et ignorántias meas ne memíneris.
Secúndum misericórdiam tuam meménto mei tu: * propter bonitátem tuam, Dómine.

Psalmus 24(8-14) [2]

24:8 Dulcis et rectus Dóminus: * propter hoc legem dabit delinquéntibus in via.
24:9 Díriget mansuétos in judício: * docébit mites vias suas.
24:10 Univérsæ viæ Dómini, misericórdia et véritas, * requiréntibus testaméntum ejus et testimónia ejus.
24:11 Propter nomen tuum, Dómine, propitiáberis peccáto meo: * multum est enim.
24:12 Quis est homo qui timet Dóminum? * legem státuit ei in via, quam elégit.
24:13 Ánima ejus in bonis demorábitur: * et semen ejus hereditábit terram.
24:14 Firmaméntum est Dóminus timéntibus eum: * et testaméntum ipsíus ut manifestétur illis.

Psalmus 24(15-22) [3]

24:15 Óculi mei semper ad Dóminum: * quóniam ipse evéllet de láqueo pedes meos.
24:16 Réspice in me, et miserére mei: * quia únicus et pauper sum ego.
24:17 Tribulatiónes cordis mei multiplicátæ sunt: * de necessitátibus meis érue me.
24:18 Vide humilitátem meam, et labórem meum: * et dimítte univérsa delícta mea.
24:19 Réspice inimícos meos quóniam multiplicáti sunt, * et ódio iníquo odérunt me.
24:20 Custódi ánimam meam, et érue me: * non erubéscam quóniam sperávi in te.
24:21 Innocéntes et recti adhæsérunt mihi: * quia sustínui te.
24:22 Líbera, Deus, Israël, * ex ómnibus tribulatiónibus suis.

1 Tim. 1:17

Regi sæculórum immortáli et invisíbili, soli Deo honor et glória in sǽcula sæculórum. Amen.

R. Deo grátias.

R. Christe, Fili Dei vivi, * Miserére nobis.

V. Qui sedes ad déxteram Patris.

R. Miserére nobis.

V. Glória Patri, et Fílio, * et Spirítui Sancto.

R. Christe, Fili Dei vivi, * Miserére nobis.

V. Exsúrge, Christe, ádjuva nos.

R. Et líbera nos propter nomen tuum.

Preces Dominicales et Feriales{omittitur}

Preces Feriales{omittitur}

Preces Dominicales et Feriales{omittitur}

V.: Dómine, exáudi oratiónem meam.
R.: Et clamor meus ad te véniat.

Orémus.

Dómine Deus omnípotens, qui ad princípium hujus diéi nos perveníre fecísti: tua nos hódie salva virtúte; ut in hac die ad nullum declinémus peccátum, sed semper ad tuam justítiam faciéndam nostra procédant elóquia, dirigántur cogitatiónes et ópera.

Per Dóminum nostrum Jesum Christum, Fílium tuum: qui tecum vivit et regnat in unitáte Spíritus Sancti, Deus, per ómnia sǽcula sæculórum.

R. Amen.

V. Dómine, exáudi oratiónem meam.

R. Et clamor meus ad te véniat.

V. Benedicámus Dómino.

R. Deo grátias.

Idibus Júlii Luna tricésima Anno Dómini 2026

Sancti Henríci Primi, Imperatóris Romanórum et Confessóris, cujus dies natális tértio Idus mensis hujus recensétur.

Lugdúni, in Gállia, deposítio sancti Bonaventúræ, Cardinális et Epíscopi Albanénsis, Confessóris et Ecclésiæ Doctóris, ex Ordine Minórum, doctrína et vitæ sanctitáte celebérrimi. Ipsíus tamen festívitas prídie hujus diéi recólitur.

Pápiæ sancti Felícis, Epíscopi et Mártyris.

In Portu Románo natális sanctórum Mártyrum Eutrópii, atque Zósimæ et Bonósæ sorórum.

Carthágine beáti Catulíni Diáconi, de cujus láudibus sanctus Augustínus sermónem ad pópulum hábuit, et sanctórum Januárii, Floréntii, Júliæ et Justæ Mártyrum; qui pósiti sunt in Basílica Fausti.

Alexandríæ sanctórum Mártyrum Philíppi, Zenónis, Narséi et decem infántum.

In ínsula Ténedo sancti Abudémii Mártyris, qui sub Diocletiáno passus est.

Sebáste, in Arménia, sancti Antíochi médici, qui, sub Hadriáno Prǽside, cápite obtruncátus est; cumque ex eo lac pro sánguine manáret, Cyriácus cárnifex, convérsus ad Christum, et ipse martýrium súbiit.

Nísibi, in Mesopotámia, natális sancti Jacóbi, ejúsdem urbis Epíscopi, magnæ sanctitátis viri. Hic, miráculis et eruditióne clarus, unus fuit, sub persecutióne Galérii Maximiáni, ex número Confessórum, qui in Nicǽna deínde Sýnodo perversitátem Aríi, Homoúsii oppositióne, damnárunt; cujus et sancti Alexándri Epíscopi oratióne ipse Aríus condígnam suæ iniquitátis mercedem, effúsis viscéribus, Constantinópoli recépit.

Neápoli, in Campánia, sancti Athanásii, ejúsdem civitátis Epíscopi, qui, ab ímpio nepóte Sérgio multa passus ac sede pulsus, tandem Vérulis, in Hérnicis, conféctus ærúmnis, migrávit in cælum, témpore Cároli Calvi.

Campi Salentinórum, in Apúlia, sancti Pompílii Maríæ Pirrótti, Confessóris, ex Ordine Clericórum Páuperum Matris Dei Scholárum Piárum, vita apostólica præclári, a Pio Undécimo, Pontífice Máximo, inter Sanctos reláti.

Panórmi Invéntio córporis sanctæ Rosáliæ, Vírginis Panormitánæ; quod, Urbáno Octávo Pontífice Máximo, repértum divínitus, Jubilǽi anno Sicíliam a peste liberávit.

V. Et álibi aliórum plurimórum sanctórum Mártyrum et Confessórum, atque sanctárum Vírginum.

R. Deo grátias.

V.: Pretiósa in conspéctu Dómini.
R.: Mors Sanctórum ejus.

Sancta María et omnes Sancti intercédant pro nobis ad Dóminum, ut nos mereámur ab eo adjuvári et salvári, qui vivit et regnat in sǽcula sæculórum.

R. Amen.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Deus in adjutórium meum inténde.
R.: Dómine, ad adjuvándum me festína.

V.: Glória Patri, et Fílio, * et Spirítui Sancto.
R.: Sicut erat in princípio, et nunc, et semper, * et in sǽcula sæculórum. Amen.

Kýrie, eléison. Christe, eléison. Kýrie, eléison.

Pater Noster dicitur secreto usque ad Et ne nos indúcas in tentatiónem:

V. Et ne nos indúcas in tentatiónem:

R. Sed líbera nos a malo.

V. Réspice in servos tuos, Dómine, et in ópera tua, et dírige fílios eórum.

R. Et sit splendor Dómini Dei nostri super nos, et ópera mánuum nostrárum dírige super nos, et opus mánuum nostrárum dírige.

V. Glória Patri, et Fílio, * et Spirítui Sancto.

R. Sicut erat in princípio, et nunc, et semper, * et in sǽcula sæculórum. Amen.

Orémus.

Dirígere et sanctificáre, régere et gubernáre dignáre, Dómine Deus, Rex cæli et terræ, hódie corda et córpora nostra, sensus, sermónes et actus nostros in lege tua, et in opéribus mandatórum tuórum: ut hic et in ætérnum, te auxiliánte, salvi et líberi esse mereámur, Salvátor mundi: Qui vivis et regnas in sǽcula sæculórum.

R. Amen.

Extra Chorum, quando ab uno tantum recitatur Officium dicitur: Jube, Dómine, benedícere; et subjungitur congruens Benedictio.

V.: Jube, domne, benedícere.

Benedictio. Sir 45:19-20

Dies et actus nostros in sua pace dispónat Dóminus omnípotens.

R. Amen.

Fungi sacerdótio, et habére laudem in nómine ipsíus, et offérre illi incénsum dignum in odórem suavitátis.

V. Tu autem, Dómine, miserére nobis.

R. Deo grátias.

V.: Adjutórium nostrum ✠ in nómine Dómini.
R.: Qui fecit cælum et terram.

V.: Benedícite.
R.: Deus.

Benedictio.

Dóminus nos benedícat, ✠ et ab omni malo deféndat, et ad vitam perdúcat ætérnam. Et fidélium ánimæ per misericórdiam Dei requiéscant in pace.

R. Amen.

Deinde dicitur tantum Pater Noster secreto, nisi sequatur alia Hora.

Post Divinum officium