Tantum ergo
Down in adoration falling
The last two stanzas of the Pange lingua, sung at Benediction of the Most Blessed Sacrament.
St. Thomas Aquinas, 13th c.
Tantum ergo Sacraméntum
Venerémur cérnui:
Et antíquum documéntum
Novo cedat rítui:
Præstet fides suppleméntum
Sénsuum deféctui.
Genitóri, Genitóque
Laus et jubilátio,
Salus, honor, virtus quoque
Sit et benedíctio:
Procedénti ab utróque
Compar sit laudátio. Amen.
- V.
- Panem de cælo præstitísti eis.
- R.
- Omne delectaméntum in se habéntem.
Tempore paschali additur Allelúja.
Orémus. Deus, qui nobis sub Sacraménto mirábili passiónis tuæ memóriam reliquísti: tríbue, quǽsumus, ita nos Córporis et Sánguinis tui sacra mystéria venerári; ut redemptiónis tuæ fructum in nobis júgiter sentiámus. Qui vivis et regnas in sǽcula sæculórum. Amen.