Aspérges me
Thou shalt sprinkle me
Sung at the sprinkling of holy water before the principal Sunday Mass outside of Eastertide.
Cf. Ps. 50:9 and Ps. 50:3
Ant. Aspérges me, Dómine, hyssópo, et mundábor: lavábis me, et super nivem dealbábor.
Ps. Miserére mei, Deus, secúndum magnam misericórdiam tuam.
Glória Patri, et Fílio, et Spirítui Sancto. Sicut erat in princípio, et nunc, et semper, et in sǽcula sæculórum. Amen.
Ant. Aspérges me, Dómine, hyssópo, et mundábor: lavábis me, et super nivem dealbábor.
- V.
- Osténde nobis, Dómine, misericórdiam tuam.
- R.
- Et salutáre tuum da nobis.
- V.
- Dómine, exáudi oratiónem meam.
- R.
- Et clamor meus ad te véniat.
- V.
- Dóminus vobíscum.
- R.
- Et cum spíritu tuo.
Orémus. Exáudi nos, Dómine sancte, Pater omnípotens, ætérne Deus, et míttere dignéris sanctum Angelum tuum de cælis, qui custódiat, fóveat, prótegat, vísitet atque deféndat omnes habitántes in hoc habitáculo. Per Christum Dóminum nostrum. Amen.